dae Goddetorgiu amus coladu
in carovana a su Gennargentu
sutta 'e sa Minna amus paradu.
In su Meriagu cumentzat su 'entu,
trotoigat is alinos a unu ladu,
sa muvrara s'incrarat unu momentu,
in s'aspridda e tzinnibiri vellutadu,
paschende in cussa serra perdosa.
Post'in Lamarmora ant s'insigna
a su monumentu 'e sa naturale arte
a bann 'e Artzana su Flumendosa
su mare lu ides a 'onnia parte
dae cue sovrastas totu Sardigna.
Franco custos versos atzeta
e narasilu a Peppe e a Peppinu
ca pro festare torra in sa veta
in cussu amenu logu divinu
a issos po dovere lis iseta
a unu su casu e a s'ateru su binu.
