AMABILE E GENTILE IN SU ANDARE
Amabile e gentile in su andare
est sa fèmina mia cando saludat,
donzi orta chi la miras, a sa muda,
is ogos no accabat de
furriare.
Si faghet dae totus ammirare,
virtude tenet, a issa l’agiudat
umiltade, sacrifitziu, no b’at duda,
bellesa e tràgiu a si presentare.
Si mustrat pragerosa a chie la mirat,
a mie dat sa dulchesa ‘e su core,
l'intendes cando tue la prova(s).
Paret chi dae sos labios si mova (t)
unu sentidu suave pren'e amore,
chi s'animu meu forte ispirat.
Sunt bintichim’annos chi in Tonara
camminat subra su mantu de s’afetu,
sustenet sa familia, a Olga e Sara,
s'amore nos unit cun rispetu.
Sant'Anna Arresi 29 de austu 2012
