giovedì 29 agosto 2013




In su Marocco, a Rabat so andadu
sa moschea 'e Casablanc'a visitare
a Meknes e Volubilis so  istadu
sa tzitad' ‘e is romanos ammirare.

              A Fes in sa medina apo paradu
tzitad'e artesania po comporare,
dae s'altu Altlante  so faladu
pro bìdere sos Bèrberos cantare

               Marrakech sempere in movimentu:
sa pratza piena de incantadores
pro s'umanidade unu grandu vantu,

              musica, tamburos tot'est incantu,
cust'est logu amenu 'e sognadores
de colores, profumos e sentimentu.



Marrakech   29 De Austu De 2013
Gabriele Casula