domenica 30 dicembre 2012

SA PAGHE IN SOS OJOS DE FIZA MIA de "Lentore" Giovanni Piga de Busachi - prima poesia classificata - cuncursu regionale de poesia Ortueri - Su Mutu Froriu

Sa Paghe in sos ojos de fiza mia.
de "lentore" Giovanni Piga de Busachi

(isterrida)
 De sa paghe sos sinnos
chircadu apo pro annos
ma sempere m'est fuida
in su meu faghe faghe
jogat a incara-cua
ma como su jogare
de fiza mia biendo
sèzidi a part'e fogu
ch'iscardit s'aposentu
cun d'unu jogu nou
e sos peincheddos nuos
che anzonedda i su pradu
chi solu jogu 'idet
apo cumpresu totu

(ammantu)
de sa paghe sos sinnos

senza faer avolotu
mancari non si fidet
jeo la miro amajadu
bido sos ojos suos
e su jogare sou
sentz'unu pensamentu
 chi l'istrobbet su jogu
e cunmoviu cumprendo
pustis tantu chircare
in s'innossentzia sua
Inie regnat sa paghe
s'armonia pius nodida
bramada dae sos mannos
ma in  manu a sos pitzinnos.

lunedì 24 dicembre 2012

bona pasca 'e nadale e a largos annos

Bona pasca de Nadale 
e a largos annos
po su 2013