GHENULU
dae Benigno Casula
Send’in campagna collende,
a s’ora fiat prenu de malinconia
unu puzoneddu a su brinch’e bola,
s’avicinat pro sa cumpagnia.
Fiat cuntentu e faghiat de ispola
cirulende pare chi narrere mi cheriat,
comente ses bènnidu a sa sola,
su bicu si frigaiat e brincaiat
A mie cuntentu faghiat mirada
dae unu a s’ ramu in abbandonu,
a male non pensaiat s’iscuru,
pariat narrere sa campagna est desolada
galu benis tue òmine bonu
ispero chi torres crasa puru.
