domenica 29 luglio 2012

PARTIDU SES SIDORE DAE TONARA

Partidu in d-una note 'e luna crara 
a s'Ispagna 'e Franco   a cumbatire

in sa Bastigli'e Guadalajara,
in Siviglia e Alicante  a patire.



Dae Villadolid  a sos tuos de  Tonara,

sa disaura as fatu a ischire

cando in Catalogn' as bidu in cara

a sa morte prima de ti fuire.



Amore, giustìtzia  e libertade

de   sa musa as tentu riverèntzia, 

inserradu as  a-intro de su coro



sos versos chi sunt perlas 'e oro:

ant a istare de bon'accollèntzia

in su Parnasu pro s'eternidade.



                oooOOOooo

Retzi custos versos amigu caru
t'iscriet Crabiele cun afetu

s'oper'e babbu  tou as postu in craru

lodes a tie e a issu cun rispetu  

SES BENNIDU A TONARA PO CANTARE





Ses bènnidu a Tonara po cantare
a mala gana e cun insistèntzia
po Benigno sa gherra arregodare,
sa tua est istetia sa partèntzia

Cun Casula e Mura po li dare
a sa Musa rispetu e riverèntzia
Cussa data non l’as a ismentigare,
onore at fatu sa tua presèntzia.

Sa die de s’eventu in Tonara
incrarada s’est sa poesia,
sempre cussu donu tue as tentu.

Deo ti fatzo su meu cumplimentu:
Davide continua in cussa ia,
como sa luna t’illuminat sa cara.

lunedì 9 luglio 2012

Po is fiores su tempus as dedicadu

Giunta est s'ora  'e sa pensione
cun lotas, sacrificiu e tribulare
ponenn'in fatu a dogni reunione,
in Tonara e Teti a educare


istudentes cun brama e passione.
Babbos e mammas s'ant arregodare
de su c'as fatu in ogn'occasione,
finas is figios a si laureare.


Mamm'e famili'as fat'istruzione
in Argentin'a Olga e a Sara,
cust' in contu non l'at postu s'Isatadu.


Chi si contat su traball'in Tonara
po is frores su tempus dedicadu
sa pension'est de euros a muntone.





Raimondo Bonu Mediatore di alta e bassa cultura

Fonte La Nuova sardegna 26 aprile 2005 Raimondo Bonu Mediatore di alta e bassa cultura Del personaggio, vissuto per l'intero Novecento...