PUBBLICHIAMO PER GENTILE CONCESSIONE DELL'ING. GAVINO DELIGIA LA POESIA SA CAMPANA DE SANT'ANASTASIA. NELLA FOTO, COPERTINA DEL LIBRO "TONARA DEL DOTT. RAIMONDO BONU" PUBBLICATO DALLA PRO LOCO DI TONARA, UNA PARTICOLARE VISTA DEI RUDERI DELLA CHIESA DI SANT'ANASTASIA.
Sona, campana antiga, torra sona,
Prus allirga festosa melodia;
Nd’ischida dae sonnu Anastasia
Chi de s’adde abbuschida fit patrona.
Sos montes chi de artu sunt corona
A cuncordu li cantant poesia,
La saludant dae nou, bene ‘enia!
Si dae morte torrat a sa trona.
Sa zente paesana, ti nde ammenta,
De t’indender su dilluru a manzanu
A iscurtu in caminu nd’est cuntenta.
Isperu a su bezzu et su zovanu
Pro chi sanat dolore in sa turmenta
Et su biver in bidda battit sanu.
Sona, campana amiga, tue sona
A toccu lestru pro fagher allerghia,
A sos coros chi penant tribulia
A chie passat puru vida ‘ona.
GAVINO DELIGIA. canaliscu. 3.9.2009.
