Cumentzo custa cantzone
a Muragheri mi nn'anno
E ddos agato arzanno
a i cudda pira e
Peone
Su logu est camiau
No est prus cudda
carrella
Est in su pranu
Annarella
E Salvaore est torrau
Non prusu Tonino Pira
Non prus Ignazio Mura
Issos pigant sa friscura
In ateru logu in
cadira
Giovanni fattu a
isposu
E ibetat solu Dante
Issu como est
cumannante
Cun Fidel Castro
briosu
E at passau sa manu
Teresa de Gesuè
E prus issa non ddu e '(st)
Issa puru est in su Pranu
Issa puru est in su Pranu
Partiu est Luciano
Coiau a Ortueri
E Tonino Contieri
Est in Torino o
Milano
Est ibettada Maria
Chi cuddu filu non
segat
Issa est semper’in butega
comente a primaria
E ne passo sa dogana
in pratza e tiu
Giustinu
e una tassa e inu
mi dda buffo chena
gana
Sa prima intrada in
sa porta
tòcada a Antonello Sau
pagu issu est torrau
ispereus in custa
orta
In sa funtana e su
forreddu
E Gino Loche at
buffau
Issu puru n’est annau
E finas Maria
Pruneddu
E sempere custa ia
Cuss’aba unu licore
Ddu est Vittorio Tore
Acanta de omo mia
Giampiero in su
Montigu
Michele ‘e tia Giustina
Gabriella e Tomasina
De su iginau antigu
E che cara addei deo
unu amigu apo lassau
i est opare Garau
a cussorgia in Santu
Leo
Da ‘e s’istangu ne passo
E mi ne arribbo a su
Tzurru
Ddu e fu’ Tonino Urru
E a Basoni non lasso
De chitarra sonadore
Ispiritu musicale
Pino at fattu a
Missegnore
In donnia carnevale
Gesuina este signora
In s’Azienda Sanitaria
E cittadina onoraria
De sa idda ‘e ‘leonora
In sa idda ‘e Marianu
Ne ddu ada ateros
puru
Dduo o tres de seguru
Funti in cussu
campidanu
A sa Posta etza
torrau
Gente pagu ne ddu ada
Su chi Benigno impastàda
Gabriele ada ifforrau
Tanno in Funtana Idda
Toto de Costante Tore
In s’Isca fut piscadore
De trota e de
anguidda
Essiu de omo e Toto
Ne passo a Carigheri
e Tatana mi aperi’
sa enna e Toti
Marotto
Vittoria 'e Titi
Carau
Lassaus a faer a issa
begna' s'iscurta sa
missa
sa leva a unu costau
Torro a s’Istradoneddu
Ddu ia ortos e
nuge(s)
Biviad’ancora in sa Ruge
E Tomasina Pruneddu
Cui fu’ Rosanna Sau
Chi si at pigau cudda
ia
Sa vida in Calabrìa
E issa si n’ at passau
In sa Tzia Crara
Donata
Butega in s ‘Istradoneddu
Marisa Noli in
Casteddu
Issa puru cui si agata
Calanno in su Caminu
Mannu
Derettu apo apubau
A sa figia de Boste
Sau
De su maistu e pannu
E sutta e Cucureddu
Nudda prus est che a
prima
Manca’ Giovanni Pruneddu
E Luisanna ‘e Mimma
Como este in
Lazzarinu
Acanta e sa funtana
abba chi ne tene’ gana
In Sorgono compera’ binu
In su pranu pagas
domos
Tanno ianta fabricau
Ddu fu’ Elio Sau
E Paoletto e Cosòmo
Prus addei cudda ia
Pagu pagu prus
lontanu
Biviat e Giulianu
Paris cun Tore Masia
E Ruggero de Titinu
Su e su forru e sa
teula
Nessi in su mes’e Treulas
Si ada a ponner in
caminu
Como du at ristorante
E si ne godi sa ucca
Papas cun Mauro Zucca
E ti ne ada bastante
Da ora su rifornidore
E una cresura e
samuccu
A susu Giuseppe Succu
E Renato de Sidore
Nino Sulis a pitiu
Issu pru a continente
N’est partiu prontamente
A mannu est’arrecuiu
Tullia calanno
calanno
sa omo in s'istradone
Tonina Sau una
canzone
D’apo connota cantanno
Unu minutu ti pedo
Telefono in sa gabina
A Domenico de Alfredo
Anastasia e Tomasina
E mi ne calo a cresìa
Santu Crabiele bella
E mi da bio a
Giannella
Da e Casteddu essia
In Toneri a fini a
fini
Mi ddos passo totu in
riga
Cumenzo cun Franco
Piga
Chi como a mannu est
Fraschini
Un'atera in terra
agnena
e como pagu da io
Sa 'e Maria Peddio
Sulis Maria Elèna
E Franca de
Peppineddu
De Craccalsi issa
puru
Si at pigau su seguru
Este bivenno in
Casteddu
Gianni ‘Esì de Istella
Su maistu, ddi nanta
asi,
n’est essiu ‘e Craccalasi
a susu cun Gabriella
E como a Nostasia
Da torro a ponner in
lista
Asi mi fae’ provista
De turrone e malvasia
Po currer sa maratona
Sempere in
allenamentu
Piero, ne fia
cuntentu
De inzere sa orta ona
S'es’ fatu a ovoddesu
Vittorio de Pratza
Manna
torra a i custa banna
ca ti oleus in mesu
E tanno Murgia
Michele
s'urtima omo est
posta
prega' prima a Santa
Nosta
Tanno a Santu Crabiele
Como non ne ddu at
prus
E in Toneri e gente
Totus bessios a susu
O partios a
continente
Tonia Cadeddu ‘e Bele
N'este essia a logu
onu
Ma no intenne prus su
sonu
E de Santu Crabiele
Po una chi ne est
essia
Una est calada segura
Calada est Tonina Mura
Chi bivit sutta e
cresìa
Ne calo in Agina
Niedda
E fronte e lavros mi
toco
E Maria Bona Cocco
este a craru e sa
Noedda
E in cussos tretos
Nina
Annada est a pitia
Como este in
Lombardia
Da e baranta nonnina
E Carta Maria Pina
e tottu a issa sa
sorte
ca sa curva e
Liricorte
dda ied dae cogina
E fatzo un’atera sosta
Po criccare a Sisto
Mura
Mi nanta, cosa
segura,
Ca este in Valle d’Aosta
Fausto puru n’este annau
Passada in Campu
Giavesu
Issu puru thataresu
Como gi s’este apeau
A Rosanna 'e
s'Istazione
di apo a mannare
imposta
a benner a sa festa
nosta
a postale o a fogone
Apo cumenzau a giogu
e custa bella canzone
mi saludo a is duas
Crabone(s)
ca seus Crabone’ de fogu
E Murgia Porru e
Pruneddu
a torrare a Galusè
chi torrente a ponner
pè
a sutta e Mugianeddu
E mi saludo a poi
a i cudda Podda
Giovanna
tantos saludos ddi
manna'
su figiu e Peppe Gioi
A Battistinu e
Battistina
chi sunti amaduos
foras
a passare bellas oras
in sa omo muntagnina
E a Pinuccia'e
Gallura
la in Toneri
t'ibetta'
mamma e puru Zietta
torradinne a sa
friscura
Saludo a su ‘Accargiu
E a Valeria de Meana
De cantare at semper
gana
Cuddu est sempere in
viaggiu
Saludo a Paola Manca
Chi cantat ite
bellesa
E a Francesca
Lussurgesa
De Tonara mai istanca
Saludo a Zedda ‘e Tiàna
Sa idda e sa
cracchera
Ma de Tonara s’aèra
Ddi est parta pius
sana
Ne ddu at ancora
tanta
Gente no apo lumenau
Mi ne seo imentigau
Ca tegno giai sessanta
Po ateros no apo
tentu
Prus sa conca tantu
firma
Non mi est torrada sa
rima
Ne d’at leada su entu
Bene mi seo penzau
E nudda m’at beniu a conca
Ses betzu che una
zonca
Solu solu mi apo nau
Cumenzo a azzopigare
A ettare passu a
trottu
Ma cun is fedales
tottu
A chentu chergio
arribare
A cuddos chi apo perdìu
In sa gara e poesia
A torrare a custa ia
Po si faer bellu niu
Torren totus cun
pragere
Po su pragnu e po sa
gena
Torren dae terra
agnena
Torrene a su
Belvedere
Como acabo custu
cantu
una cosa deo chelia
ogio saludare ebia
a chie est in
campusantu
Is fedales chi annaos
Si nde funti chena s’ora
E in s’ultima dimora
Como sunti suterraos
Ca po issos cust’istoria
Este arribada a sa
fine
An passau cuddu
confine:
A esser in sa santa gloria.
Bastiano Carboni
