Bastiano ses in vena de poesia,
s’istoria de sa leva as contau,
cun bella cantilena, non creia,
sa prim’edade as arregodau.
In Toneri, su Pranu,
Santa Maria
erriles, iginaos as tzitau
a onniunu dadu li as
sa via,
paret su tempus mai passau.
Su sotziu isseperau at su mese:
su trintunu ‘e treulas, a sessant’annos,
festaus cun pische petza e binu.
De viver a longu est destinu,
augur’a tottus a chent’annos
a sa leva de su chimantasese.
Crabiele Casula
