Giau su premissu
an ca ‘oliat una biografia
e cun impignu fissu
si dda fatzo in sarda poesia;
su chi m’at nau issu
est realtade e nudda fantasia
ispero chi dd’atzete
chi m’improviso in s’opera poete.
S
|
u tragiu ‘e sa cantada
cun d’unu pagu ‘e matana e afannu
est una caminada
de su trabagiu prus de barantun’annu
da canno est cumentzada
finas a lomper a sa fine ocannu
datas, logos e gente
in terra sarda , estero e continente.
C
|
umentzo gioga gioga
sena issire a ube fuo annanno
sa prima otada toga
m’est parta, e dda sigio rimanno;
interroga, interroga
bidio sa poesia aumentanno
chi credeis a mie
dd’apo sestada in solu duos meries.
D
|
d’apo iscrita in presse
sena pentzare a su risultau
si cosa m’iscaesse
pedo iscusa e sia perdonau
is rimas po ddos tesse
cufesso ca mi seo suerau
ca is musas a bortas
si negaiant e mi serrant is portas.
M
|
a dd’apo postu cura
ei sa mente mi dd’apo impegnada
detzisu e cun premura
cumentzo a iscrier sa prima otada
is ateras a mesura
lassanno a banna sa vida privada
ca is contos privaos
no est bellu chi siant publicaos.
E sigo curiosu
pregontannoddu de logos e datas
e issu dubbiosu
mi naiat is notizias a ratas
e deo premurosu
ddi pretennia is cosas esatas
e mi dd’as iscridia
e posca in rima sarda dd’as ponia.
I
|
s versos che funtana
bunnantes nni essiant e aligros
m’a tretos matana
m’ant au e m’ant postu in castigos;
poi torràt sa gana
chi nn’i ‘enit solu po certos amigos
c’a tie ti cunsidèro
su matessi po me dae te ispero.
C
|
omo letore caru
dd’apo finia sa prefazione
chi ti serbit’e faru
ca est giusta s’ispiegazione
gasi su preparu
tenes,po dda cumprennet sa cantzone;
como sa chiusura
fato e t’auguro una bona letura.
ooooooooOOOOOOOOOOOoooooooo
C
|
rabiele ocannu
lassat cadira cun s’iscrivania
pustis barantun’annu
de impiegu in sa segreteria;
no est d’edade mannu
poite at cumentzau in pitzinnia
e tanno cun regione
dd’ispetat intrea una pentzione.
U
|
na si nn’at colàu1,
fut belle po viagiare a sa ‘etzesa,
su Proveditorau
ddi nat : “piga e parti cun lestresa
ca t’aus assignau
a s’istitutu ‘e s’iscola orgolesa”.
Canno fut bell’e prontu
bannat a Nuoro e di faent su contu.
A
|
penas arribau
pedit a Luche dotore Simone2
chi su cale dd’at nau:
“Casula a tie t’ispetat sa pentzione
dae s’annu passau
as supèrau sa contributzione
ca ti pogno a riposu
firma in presse , parti e adiosu”.
B
|
int’annos solu aiat
canno cumentzat custa carriera
cun briu e energia
poite fit in sa megnus primavera;
dae tanno ai custa ia
at trabagiau po una vida intera.
E finalmente como
iscapat totu e ne torrat a domo.
Is timbros chi si manigiant in
s’ofitziu.
E
|
retu
diplomau
s’est
iscritu a s’universidade
in
tempus pagu at giau
doghi esames de Lege in facultade;
in Diritu ferrau,
articolos de lege in cantidade
d’os connosset a giogu
totu a memoria e sena interrogu.
P
|
o prima in continente
est giustu chi custu si raconte;
cumentzat che suplente
in sa idda ‘e Biella in Piemonte;
ma teniat in mente
de ne torrare a Sardigna de fronte;
infatis est bistau
solu tres meses e poi n’est torrau.
I
|
n sa idda’e Tonara
cumentzat in s’iscola Industriale
aprennet e imparat
in cuss’impiegu de postu istatale,
firmu mai s’imarat
faet bilancios e contu in generale;
ca po bravura nanta
no ne ‘oliat de collegas acanta.
S
|
ocialmente impegnau
est in sa ‘idda sua un’ativista
da semper innamorau
da bonos ‘ideales progressista;
puru un assessorau
at tentu e contzilleri in cussa lista
cun politica vena
binti chimb’annos teniat apena.
I
|
n is annos vicinu
connoschet sa cumpagna ‘e sa vida;
Antonieta Aragninu3
giovona bella massagia cumprida
e s’issoro caminu
sunt da trint’annos una copia unida
da s’unione insoro
Olga e Sara4 arribant che tesoro.
P
|
ustis cuss’aventura
bannat a Sorgono a s’istitu agrariu
cun manera segura
faet inie puru ‘e segretariu
semper tenenno cura
de no bessire foras dae binariu;
seriu e cumpetente
abile po natura e intelligente.
P
|
aritzu tempus creo
in Sorgono abbarrat tosta e tira
e posca in Simugreo
dd’aporrint in s’iscola sa cadira;
po geniu e galateo
is dipendentes totu d’os atira;
lassat in generale
inie in totus unu bonu signale.
F
|
aet tanno domanna
po si poder de nou accostigare
ca sa distantza manna
d’est parta tropu grae a suportare;
cussa sede a banna
dda lassat po Aritzo a camiare.
Ini s’iscola ‘e Aritzo
de annos bonos nn’at fatu paritzos.
T
|
ra media e superiore
est abbarrau in Aritzo cuntentu
ca su tretu minore
di pariat unu divertimentu
e sa sorte a favore
pustis paritzos annos issu at tentu;
ca tanno est cumentzada
un’ aventura noa in s’Ambasciada5
S
|
u richiamu forte
de cumentzare
noa una faina
cun figias e cunsorte
partit po sa repubrica Argentina,
po set’annos in corte
abbarrat in s’America Latina;
inie cun onore
diventat puru unu bonu iscritore.
P
|
ustis chi est arribau
indagat totu bene a puntinu
a gente at domannau
ite n’issiant de unu mamugiadinu
chi partit disterrau
che medas in su populu argentinu;
suspetat chi su tale
esset Peròn famosu generale6.
I
|
n su noranta noe
movet e sinne torrat a Tonara
ca d’est che bonu proe
su torrare a sa idda sua cara;
dae tanno fin a oe
est abbarrau fissu dae insara
continu in s’istitutu
anno forte unu mannu contributu.
N
|
o est po nudda arrèu
ne pressone chi s’iscrafet7
sa ‘entre
de Pepinu Mereu
in
Colletivu eletu est presidente
e degh’annos intreu
est puru ‘e sa Pro-Loco ugualmente
cun su matessi gradu
chi a Tonara lustru e fama at dadu .
M
|
a tenet s’orìolu
de cuddos doghi esames in suspesu
ca s’intennet in dolu
su aer lassau is istudios a mesu
e tanno po contzolu
a torrare a istudiare at ripresu
in su duamila e oto
diventat dotore narrer poto.
D
|
e sole unu ragiu
dd’illuminat sa mente a sa presentzia
o che trainu in magiu
chi curret a su mare cun passientzia
Diritu ‘e su Trabagiu
cun d’una tesi in sa Previdentzia;
sa laurea at otentu
torrat dotore aligru e cuntentu.
S
|
emper tenenno cura
de caminare deretu e costante
frecuentat sa Pretura
comente abocau tirocinante;
causas de usura
e brigas de pastores lacanantes
e lotas e cumbata
dd’os isolvet cun su collega Sata8
C
|
anno ne torraiat
dae Sorgono fata s’udientzia
no si convocaiat
totu su personale a sa presentzia
tanno interrogaiat
in materia de Giurisprudentzia
cun manera gentile
de codice penale e de civile.
E
|
noso amaliaos
iscurtannoddu cun atentzione
sèlios e callàos
intennenno sa sua letzione
ni ‘essiaus prepàraos
carrigos
de is suas notziones.
Calecunu m’at nau
da issu cosa meda ap’imparau.
D
|
e caratere tostu
àrridu po niente si piegat
poite a dogni costu
prevalet s’arregione ch’issu ispiegat;
no est mai dispostu
a cuntzedet niente e ne intregat
in s’idea cunvintu
no mollat fin’a canno no at bintu.
I
|
n Tonara at tentu
set’oto diversos dirigentes
medas che i su ‘entu
abbarrant po un annu solamente;
ma tres cun istentu
faent sosta po annos longamente;
sunt custos chi m’at nau
Anedda, Zisa e Totore Frau.9
P
|
o non faet isgarru
pogno totus in riga sena neu
unu fut Lucio Arru
posca Litarru e Donata Mereu
Dessì che unu gigarru
fut lagna e dilicada coro meu!
Mannu dae conca a pese
invetzes fut Alèssandro Cortese10.
I
|
nfinis su tributu
depo are a s’atuale dirigente
chi est in s’istitutu
Luca Tedde11 preside regente;
pressone de cumputu
seriu, detzisu, omìne cumpetente;
edùcau e discretu
di mancat pagu po esset perfetu.
C
|
omo a is concruos
ne ato a fine sa biografia
cun custos versos cruos
ateras cosas narrer ti ‘olia
po totu is pregios tuos
no bastat cust’umìle poesia;
m’acuntentadi etotu
chi no d’os apo elencaos totu.
S’intrada de s’iscola elementare de
Tonara
D
|
uncas a bellu a bellu
a s’arte noa di pognas cura
bintzas dogni duellu
cun toga a coddu, arringas madura
ne fatzas in Apellu
e in cortes d’Assise e in Pretura
fintzas in Cassatzione
ni ‘oghes s’innocente dae presone.
S
|
’ora pius no bio
de ne ‘atire a fine sa faina
t’augurant Peddio
Nina, Letizia, Fadda , cun Bonina
fintzas deo ch’iscrio12
Franca Zanda, Bastiana cun Pina13
chi no ti lompat neu
fin’a brincares su seculu intreu..
A
|
tzugno a sa lista
is ateras bidellas e bidellos
si nono cara trista
mi faent e mi pesant burdellos;
po chi no siant a vista
aperint semper giannas e cantzellos;
is de is sedes vicina
sunt batero mascos e chime femìna.
D
|
ae megnanu a sero
issos fritint fitianu s’ischina
duos si nant Piero14
b’est Domenico, Bruno e Frantzischina
poi Rosanna ispero
cun Gonaria e Ivana sa
faina
dda fatzant cun Irene
chi t’augurant totus dogni bene.
T
|
anno cun Antonieta
passadidda sa vida che una gita
in totu su pianeta
cann’in zonas caentes canno fritas
no ne trascures meta
sena di faer una orta bisita;
t’as’a crere Crabiele
comente in segunna luna ‘e mele.
Notas
1.
colàu-
scampato
2.
Simone Luche impiegau in su Provveditorau, est su chi faet is contos contributivos
a is dipendentes istatales.
3.
Antonietta Arangninu , pobidda de Crabiele dae su 1987
4.
Olga e Sara - i duas figias ci ant tentu
5.
dae su 1992 a su 1998 at trabagiau in s’Ambasciada italiana in Buenos
Aires.
6.
“Dònde naciòPeròn“ est su libru chi at iscritu in su 2004.
7.
iscrafet
– grattare
8.
Giuanni Satta est s’abocau cun su cale at fatu su tirociniu.
9.
Giuliu Anedda, Giuanni Zisa , Totore Frau sunti is primos tres presides chi
at tentu dae canno est in Tonara.
10.
Lucio Arru , Donata Mereu , Totore Littarru , Anna Dessì e Alessandro
Cortese, sunti is ultimos dirigentes chi at tentu.
11.
Luca Tedde est su preside regente attuale in s’annu ‘e sa pensione.
12.
Bostianu Barracca , bidellu in Tonara
s’autore de custa poesia
13.
Alessandra Peddio , Franca Zanda e Pina Manca sunti is tres impiegadas de
sa segreteria; Letizia Loddo, Bonina Frogna, Anna Paola Fadda, Nina Puddu e
Bastiana Pruneddu suntis inveces is bidellas de s’iscola ‘e Tonara.
14. Piero Curreli, Piero Marras, Domenico Marongiu, Bruno Melis, Franceschina Soddu, Rosanna
Maccioni, Gonaria Maccioni, Ivana Moroso e Irene Soru,suntis invece is bidellos
e bidellas chi trabagiant in is iscolas de Ovodda, Teti e Tiana.
S’autore
