PRO SOS ISPOSOS

PRO SOS ISPOSOS

Bennidu est da' sa idda meanesa
cun parentes e amigos a l'incontrare:
  Matteo a  sa bella desulesa
a Casteddu si nde cheret leare.

Diegu e Anna cun grandu cuntentesa
ant post'in mente de arregodare,
Maria Speranza, sa sua bellesa,
in die de oe annad'a s'altare.

Desulu tenet muntagna fiera,
Meana is bignas e bonu binu,
de su Mandrolisai sa megnus ch'istat.

A bois unidu bos'at su destinu,
salude e fortuna bos assistat
in sa famila pro sa vid'intera.

       oooooOOOOOoooo

Custu sonete cun tanta umiltade
est'iscritu dae Crabiele de Tonara
pro bos dare tanta felitzidade
cun Antonietta, Tonino, Maura e Sara.


Albergo Cualbu, Fonne, 8 de cabudanni 2012.