in cumpagnia is bessidas a Monte Susu
po faere una ispassigiada
si faiat su caminu chistionanno
e si pigaiat onnia arratz'e paragone
e chie si bufaiat unu tzicu 'e 'inu
acoa si croccaiat a istula
pariat ca nemos teniat dolore
e non no si criccaiant is mamas
fiaus aberu chentza pistighignos
sa tristura dd'aiaus posta in sa cuba
a pustis fuliau nn'aiaus sa crae
A bortas mi torrat sa mente
E no est mancu chimant'annos fae
chi pitzocheddos calaiaus a truba
po su foghillone a pratza de tiu Benigno
e agataiaus una cortilla manna
m'arregodo Gianni Zucca cun Toto Tore
Bruno Loche cun Gabriele Casula
Renzo Pala paris cun su postinu
Peppinu Sulis cun Mario Fogone
e paret unu isu su chi seo nanno
sa pratza como s'est ibuidada
su foghillone non si faet prusu
e non ddu est prus nemancu cudda gente.
