In Casteddu a merie soe solu
lezende su libru e' ziu Benignu
torrau soe a cando istea^vamos su basolu
sa conca m'ada apertu che un'iscrignu
Cando babbu pur'issu 'e su bintunu
raccontavada sos suos amentos
in particulare d'arregord'unu
de rappresaglias e bombardamentos
Una die in sa nave biazande
Londra ha decidiu de attacare
in Grecia po sa gherra fiaus andande
jncuminzana sas bombas a falare
Un'amigu timende a non torrare
mi narat: -Mura ,iscapaus a cuchina-
teniat galu gana de brullare
-non lassamus mancu una fri^ina
Narada ancora sighinde sa brulla:
-oramai semus belle che fattos
badiamus si bes puru carch'ampulla
assumancu morimos tatatos-
Ziu Benignu, de ringraziare seis ebbia
po m'ae torrrau a sa memoria
bellos contos de sa pizzinnia
e un'interesse mannu po s'istoria
Su modu vostru de la raccontare
ma furriau su coro fund'a sussu
sos cumprimentos bos bozo mandare
bos tenia meda affettu, oe es prusu
Po su momentu de grandu valore
bos depio relatare in poesia
perdonademi si bes carchi errore
ma est sa prima borta in bida mia.
Cagliari 24 maggio 2012
Elio s'ovoddesu
