ARREGODOS DE SA RUSSIA E DE SA VIDA de Benigno Casula.
Benigno Casula naschit
in Tonara in su 1921 e ancora oe bivit in
s’iginau de Arasulè. In custu libru
arregollet arregodos de sa gioventude sua a s’epoca de su fascismu, de sa
gherra de Russia e àteros amentos de sa
vida iscritos in sardu tonaresu, in
contos e poesias.
In su
1941 partit militare a Bologna e a Pavia e, a pustis in su 1942, a sa
gherra de Russia, inue biet una de is disauras prus mannas de sa segunna
gherra mondiale.
De casi dughentos sessantamila òmines partios a-i
cussos logos cun is armadas italianas
de su C.S.I.R e de s’A.R.M.I.R. solu nne torrant, paris a issu, unos
otantamila. Is àteros si ispèrdent
in s’istepa russa fuinnosi dae su fronte de su Don, mortos de fàmene o
de su fritu po su marcòriu de s’ierru de su 1943.
De cussos fatos issu nne contat unos cantos cun su sentidu de chie tanno
ddos at bidos cun is ogos suos e bìvios cun su disisperu e sa tristura chi tenet s’òmine in calesiat gherra contra s’umanidade.
