TUE DE TONARA SES SU PATRONU
A Santu Grabiele
Tue de Tonara ses su patronu
e ti festant su tres de austu,
ant'isceltu a tie angelu bonu
ca tue fias santu a nois giustu.
Gabriele unu fizu ap'in donu
e ti ringratzio de totu custu.
Si apo pecadu ti pedo perdonu
e si a bortas so istetiu ingiustu.
Ùmile pecadore m'invoco a tie,
antzis de coro ti cherzo pregare
e tue isculta su meu lamentu,
chi sa vida galu mi pota sorrie(re)
pro custu sigo a m'invocare
cun fide e devotu sentimentu.
