Antoni
a chent’annos unu gradinu
as atzuntu a s'iscala de sa vida,
gai sighis su terrenu camminu
s'isperantzia ti faghet de guida.
Sa vida est donu de Deus divinu
e po ogniunu de nois est medida.
Pro su tou festosu determinu
s'est custa cumpagnia reunida.
Sos de Ittiri, bella Logudoro,
e sos de sa gentile Tonara
t'augurant in custu momentu
comente tue tenes in coro,
ch'in s'avvenire sa vida tua cara
la vivas comente a oe cuntentu.
dae Benigno Casula –
Ittiri 14 de cabudanni 2012
