TONARA A SANT’ANASTASIA AT ONORADU de Benigno Casula

Tonara Anastasia hat onoradu

sutt’e Toneri amena zona

sa cresia li hat inie fraigadu

e po seculos fit issa sa patrona.

Pustis su Simulacru adottadu

inie est istada post’in trona.

Fit unu faru sempr’illuminadu,

da’ Onnalè a Su Toni una corona.

Subra s’antiga e vistosa rocca

restana muros ‘e s’isterrimenta

de sa Cresia, sacru monumentu.

Tonara ancora a issa s’invoca(t),

de su sou martiriu si d’ammenta(t)

ca sa morte dae Floro hat ottentu.

Benigno Casula