Litanias maggiores
O comare Maria,
bos presumides bella,
a mie mi parides un'istria.
O comare Zuanna,
abberide sa 'ucca,
già l'ischimos ca sezis denti manna.
O comare Teresa,
sezis fuende a musca
como in su fiore ‘e sa ‘ezzesa.
O comare Tattana,
e prîte non penzades
chi sezis isciancada e pili cana?
O comare Michela,
non l'incontrades piusu
mancari lu chircades a candela.
O comare Franzisca,
non pianghides s’assu
già chi bi l'hazis giogadu a sa brisca.
O comare Antioga,
già ch'in manu l'haizis,
proite non l'hazis bettadu sa soga?
O comare Luisa,
infiladebos s'agu
ch'hazis
istrappada sa camisa.
O comare Cecilia,
faghides artes
malas
ca las hant
fattas tottu sa familia.
O comareddas mias,
imparade a memoria
e rezitade custas litanias
pro lograre su regnu 'e sa gloria.
